Nod ein hysgol yw darparu amgylchedd dysgu sy'n galluogi pob dysgwr i wneud y gorau o'i botensial. Anelwn at adnabod a datblygu cryfderau penodol dysgwyr, nodi meysydd anhawster, a chynnig cymorth sensitif ac effeithiol.

Mae ystafell ddosbarth sydd yn ddyslecsia cyfeillgar o fudd i bob dysgwr. Mae llawer o'r strategaethau a ddefnyddir yn llwyddiannus gyda dysgwyr dyslecsig hefyd yn gwella dysgu disgyblion eraill, a chyda'r cymorth priodol, gall dysgwyr ag anawsterau llythrennedd neu ddyslecsia ddatblygu eu galluoedd, tyfu mewn hyder a chyflawni eu potensial. 

Mae’r ysgol yn dilyn canllawiau’r Awdurdod Lleol (ALl) ar gyfer diwallu anghenion dysgwyr ag anawsterau llythrennedd / dyslecsia, ac rydym: 

  • yn gwerthfawrogi anghenion pob dysgwr ac yn arddangos agwedd bositif tuag at ddysgwyr sydd â dyslecsia neu anawsterau llythrennedd 
  • yn meddu ar ddisgwyliadau uchel ar gyfer pob dysgwr 
  • yn meddu ar lefelau priodol o ddarpariaeth/adnoddau a ddefnyddir yn effeithiol 
  • yn cydnabod fod cyflawniadau dysgwyr yn gyfrifoldeb ar bawb 

Rydym hefyd yn cydnabod ei bod yn debygol y bydd nifer o ddysgwyr ym mhob dosbarth yn profi anawsterau dyslecsig, a’n nod yw: 

  • nodi anawsterau dysgu penodol / dyslecsig yn gynnar
  • dangos ymrwymiad i ddiwallu anghenion dysgwyr ag anawsterau llythrennedd / dyslecsia
  • cyd-weithio’n agos â rhieni 
  • cynnig cefnogaeth briodol o fewn y dosbarth, neu yn ystod sesiynau grŵp bach, os oes angen
  • datblygu banc o adnoddau 
  • datblygu ymhellach ymwybyddiaeth a gwybodaeth staff o strategaethau priodol, gan roi sylw arbennig i weithredu strategaethau ystafell ddosbarth ymarferol a all fod o fudd i bob dysgwr, yn ogystal â’r rhai ag anawsterau llythrennedd / dyslecsia 
Os oes gennych unrhyw gwestiynau neu bryderon, mae croeso i chi gysylltu â ni.